China yatangaza pendekezo la suluhisho la serikali mbili katika mzozo wa Palestina

China ilitangaza kwamba inapendekeza suluhisho la serikali mbili katika suala la Palestina kutokana na kuzorota kwa hali ya utulivu Palestina katika siku za hivi karibuni na ukosefu wa suluhisho la haki kwa mzozo wao wa muda mrefu.

Kulingana na taarifa ya shirika rasmi la habari la China la Xinhua, Waziri wa Mambo ya nje wa China Wang Yi, ambaye alifanya tathmini juu ya maendeleo huko Palestina katika mazungumzo yake ya simu na mwenzake wa Pakistani Shah Mahmud Qurayshi, alisema kuwa mchakato wa amani wa Mashariki ya Kati hayaendi sawa na Baraza la Usalama la Umoja wa Mataifa (UNSC) na kusisitiza kuwa maamuzi yake hayatekelezwi kwa umakini.

Akibainisha kuwa sababu kuu ya visa vya vurugu huko Palestina ni ukosefu wa suluhisho la haki kwa miaka mingi, Wang alisisitiza kwamba bila suluhisho kama hilo, Israel, Palestina na hata Mashariki ya Kati hawataweza kupata amani ya kudumu.

Wang aliangazia jukumu la UNSC katika kuhakikisha kusitisha mapigano na kumaliza vurugu.

Waziri wa Mambo ya nje Wang pia alisema kwamba njia ya mwisho ya suala la Palestina ni kutekeleza suluhisho la serikali mbili.