Sakata la Mahabusu Kufanyishwa Kazi....George Simbachawene Afunguka..."Asipofanya Kazi Hana Haki ya Kula"

Kuna mjadala mkubwa tunaendelea kuchakata kuhusu mahabusu waweze kufanya kazi, lakini lengo letu sio kuwafanyisha kazi za sulubu, au kazi zinazotweza utu wao, hapana, wao pamoja na wafungwa wana adhabu wanayoitumikia, tunataka kuwatumia katika kuzalisha, kwa hiyo watafanya kazi kama watu wengine wanavyofanya kazi, hili naomba lieleweke,

Mjadala unaendelea na tutakuja na majibu jinsi ya kuwatumia mahabusu na wafungwa, lakini tutakuja na majibu yenye mapendekezo tutashirikiana, lakini tunataka kuwatumia kwa nia njema ya kuzalisha, kama mnavyojua binadamu asipofanya kazi asile na imeandikwa katika vitabu vitakatifu...

Kama mtu umemfungia ndani alafu hafanyi kazi na anadai chakula na ajue kwamba asipofanya kazi hana haki ya kula, wewe umekuja ni mahabusu ili upeleke tonge hapa lazima uzalishe, huwezi kusema sifanyi kazi kwa sababu ni mahabusu, hapana tutakulinda hata kwa bunduki utafanya kazi,- Waziri wa Mambo ya Ndani ya Nchi, George Simbachawene