Sehemu ya Bweni la Korogwe Girls lateketea kwa moto

Bweni la Shule ya Sekondari ya Wasichana (Korogwe girl) limeteketea kwa moto na kusababisha vifaa vya wanafunzi kuteketea kwa moto.

Kwa mujibu wa Mwalimu mkuu wa Shule ya Sekondari Korogwe girls, Anisia Mauka, moto huo umeteketeza sehemu ya bweni la Amani ambalo linatumiwa na wanafunzi wa kidato cha tatu na cha kwanza wakati wanafunzi wakiwa darasani wakijisomea.

Mwalimu huyo amesema, jumla ya vitanda 38 na magodoro yake pamoja na masunduku ya wanafunzi hao yameteketea kwa moto uliotokea jana usiku.

Chanzo cha moto huo bado hakijafahamika na hakuna vifo vilivyotokea isipokuwa kuna wanafunzi 12 ambao walipata mshtuko lakini wakapatiwa matibabu katika Hospitali ya Magunga na majengo na kwa sasa wanaendelea vizuri na wameruhusiwa.