RC Kilimanjaro atoa magari kwa CCM na CHADEMA

Mkuu wa Mkoa wa Kilimanjaro, Anna Mghwira ameagiza vyama vya siasa mkoani humo vipewe gari ili wazunguke kuhamasisha wananchi wajitokeza kwa wingi kujiandikisha katika daftari la wapiga kura Uchaguzi serikali za mitaa.

Vyama hivyo ni pamoja na Chama cha Demokrasia na Maendeleo (CHADEMA), Chama cha Mapinduzi (CCM) na Chama cha Sauti ya Uma (SAU).

Ametoa maagizo hayo jana wakati akizungumza na wananchi wa kitongoji cha Matadi, kata ya Endumeti Wilayani Siha ikiwa ni siku ya pili ya uhamasishaji kwa wananchi kujitokeza kujiandikisha katika daftari la wapiga kura mkoani Kilimanjaro.

Maagizo haya yamefuatia hoja iliyotolewa leo na Azaria Mdoe aliyekuwa Mgombea ubunge wa jimbo la Siha katika uchaguzi mkuu wa mwaka 2015 kwa tiketi ya Chama cha Sau.