Huenda Iran ikaongezewa vikwazo zaidi na Uingereza

Serikali ya Uingereza inapanga kuiongezea vikwazo Iran, baada ya nchi hiyo kuiteka meli yake ya mafuta katika Ghuba ya Uajemi.

Gazeti la Daily Telegraph la Uingereza limeripoti kwamba Waziri wa Mambo ya Nje Jeremy Hunt huenda baadae hii leo, akatangaza hatua za kidiplomasia na kiuchumi zitakazochukuliwa dhidi ya Iran.

Uingereza, huenda pia ikaomba kurejeshwa upya kwa vikwazo ambavyo awali Iran iliwekewa na Umoja wa Mataifa na Umoja wa Ulaya. Waziri wa Mambo ya Nje wa Ujerumani Heiko Maas ametahadharisha kwamba mzozo huo kati ya Uingereza na Iran unaweza kuongezeka.