Wabunge wawili wawekwa kizuizini baada ya Rais wa Tunisia kutangaza kuondoa kinga ya wabunge

 

Nchini Tunisia, mbunge wa kujitegemea Yasin al-Iyari na Mbunge wa Muungano wa Heshima Mahir Zeyd walizuiliwa baada ya uamuzi wa Rais Kays Said wa kusimamisha kinga ya wabunge.

Kulingana na taarifa iliyotolewa na vyanzo vya habari vya Tunisia, mbunge Iyari alizuiliwa kwa sababu ya kesi yake katika Mahakama ya Rufaa ya Kijeshi.

Ilibainika kuwa Iyari alikabiliwa na mashtaka ya "kudhalilisha jeshi na kuwatukana viongozi wa jeshi" na kwamba alifungwa kwa miezi miwili kutokana na kesi hiyo katika mchakato wa kukata rufaa.

Iyari, ambaye anaonyeshwa kama mmoja wa wanablogu muhimu zaidi wa mapinduzi ya Februari 14, 2011 nchini Tunisia, alihukumiwa kifungo cha miaka 3 gerezani tarehe 18 Novemba 2014 na korti ya jeshi katika kesi hiyo. Baada ya mawakili wake kupinga uamuzi huo, kesi ya Iyari ilikata rufaa ili isikilizwe tena katika korti ya jeshi.

Kulingana na uamuzi uliochukuliwa na Mahakama ya Jinai ya Menuba, Mahir Zeyd, mshiriki wa Muungano wa Heshima, aliwekwa kizuizini.

Ilielezwa kuwa kulikuwa na maamuzi ya kimahakama kuhusu Zayd kwa kukamata nyaraka rasmi na kuzichapisha bila ruhusa kwenye wavuti na kumtukana Rais wa zamani wa Tunisia, Al-Baji Kaid es-Sibsi.

Katika taarifa iliyoandikwa kwenye akaunti ya urais ya mitandao ya kijamii, iliripotiwa kuwa Rais Kays Said alimfukuza kazi Katibu wa Jimbo wa Wizara ya Mambo ya Nje, Muhammed Ali al-Naziti.

Taarifa hiyo haikujumuisha maelezo juu ya sababu ya kufutwa kazi kwa Naziti na ni nani atakayeteuliwa kuchukua nafasi yake.