Uganda kupokea wakimbizi wa Afghanistan

Uganda ilitangaza kuwa itapokea kwa muda wakimbizi elfu mbili wa Afghanistan katika nchi kwa ombi la Marekani.

Kulingana na taarifa ya The Daily Monitor, Waziri wa Serikali Esther Anyakun anayehusika na misaada, majanga na wakimbizi, alitangaza kwamba waliamua kuwapokea kwa muda wakimbizi elfu mbili wa Afghanistan nchini mwao, kwa ombi la serikali ya Marekani kwa Rais Yoweri Museveni .

Anyakun alisema kuwa gharama zote za wakimbizi wakati wa kukaa kwao zitagharamiwa na serikali ya Marekani.

Kwa uamuzi huu, Uganda imekuwa nchi ya kwanza ya Kiafrika kupokea wakimbizi wa Afghanistan.

Wakati huo huo, ilielezwa kuwa msafara wa kwanza wa watu 500 uliwasili Uganda mnamo tarehe 16 Agosti.

Baada ya kuingia mji mkuu wa Kabul Jumapili, Agosti 15, 2021, Taliban ilidhibiti mji huo bila mzozo baada ya Rais Ashraf Ghani kuondoka nchini na vikosi vya serikali viliuhama mji mkuu.