Afghanistan: Taliban yawaagiza wanawake wanaofanya kazi kusalia nyumbani

Wanawake wanaofanya kazi nchini Afghanistan lazima wabaki nyumbani hadi mifumo sahihi itakapowekwa kuhakikisha usalama wao, msemaji wa Taliban amewaambia waandishi wa habari.

"Ni utaratibu wa muda mfupi," msemaji Zabihullah Mujahid alisema. Taliban, ambao walitekelewza sharia kali za kiislamu wakati walipokuwa wakiongoza Afghanistan kabla ya 2001, walichukua udhibiti kamili wa nchi hiyo siku tisa zilizopita.

UN imeangazia ripoti "za kuaminika" za dhuluma za Taliban, haswa vikwazo dhidi ya wanawake.

Kamishna Mkuu wa Haki za Binadamu wa Umoja wa Mataifa Michelle Bachelet alisema Jumanne kwamba haki za wanawake ni "Mstari mwekundu’ ambao Taliban hawafai kuvuka.

Katika mkutano wake na waandishi wa habari huko Kabul Jumanne, msemaji wa Taliban pia alizungumzia uokoaji unaoongozwa na Marekani kutoka mji mkuu, Kabul.