Usambazaji wa chanjo ya Johnson & Johnson wasitishwa Afrika Kusini

Katika nchi ya Jamuhuri ya Afrika Kusini, ambayo imerekodi kesi nyingi zaidi za maambukizi ya corona (Covid-19) barani Afrika, usambazaji wa dozi milioni 2 za chanjo ya Covid-19 ya Johnson & Johnson, ambayo ilidhamiriwa kuwa haifai kwa matumizi ulisimamishwa.

Kulingana na taarifa iliyotolewa na Bodi ya Udhibiti wa Bidhaa za Afya ya Afrika Kusini (SAHPRA), ilielezwa kuwa, kulingana na data ya Mamlaka ya Chakula na Dawa ya Marekani (FDA), iliamuliwa kusitisha usambazaji wa dozi milioni 2 za chanjo ya Johnson & Johnson, ambayo ilidaiwa kutofuata itifaki muhimu za usalama wakati wa uzalishaji.

Katika taarifa hiyo, ilisisitizwa kuwa afya ya Waafrika Kusini haitaruhusiwa kuhatarishwa kwa njia yoyote.

Dozi 300,000 za chanjo ya Johnson & Johnson, iliyoidhinishwa na FDA na kukidhi mahitaji, inatarajiwa kuwasili nchini Afrika Kusini hivi karibuni.

Idadi ya watu waliopoteza maisha kutoka na virusi vya corona nchini Afrika Kusini ilizidi 57,000 na idadi ya kesi za maambukizi ilizidi 1,739,000.