Maelfu ya watu waandamana kuunga mkono Palestina mjini Washington nchini Merikani

Maelfu ya watu walifanya maandamano ya kuunga mkono Palestina katika mji mkuu wa Washington nchini Merikani (USA).

Maelfuya watu walikusanyika mbele ya uwanja wa makumbusho wa Lincoln Monument, moja ya alama ya mji mkuu wa Washington, na kubeba mabango na bendera za Palestina wakiashiria kuunga mkono Palestina.

Kwa kuongezea, waandamanaji walitoa kaulimbiu za "Uhuru wa Palestina" na "Palestina itakuwa huru siku moja".

Mbali na Waislamu wa Marekani, Raia wa Kimarekani wenye asili ya Kiafrika, Wazungu pamoja na Wayahudi wa Orthodox pia walishiriki katika maandamano hayo.

Mashirika kadhaa ya Waislamu yaliunga mkono maandamano hayo, ambayo mamia ya watu kutoka majimbo tofauti pia walishiriki kwa mabasi.

Mamia ya bendera za Wapalestina zilizofunguliwa katikati ya Mnara wa Washington na Lincoln Monument, iliunda picha za kupendeza.

Mashambulizi yaliyozinduliwa mnamo Mei 10 na Israel kwenye Ukanda wa Gaza uliozingirwa, yalimalizika saa 02:00 kwa saa za kawaida mnamo Mei 21, kulingana na usitishaji mapigano uliofikiwa na Hamas.

Wakati wa mashambulizi ya Israel huko Gaza, Wapalestina 254, kati yao wakiwemo watoto 66 na wanawake 39, walipoteza maisha na watu 1,484 walijeruhiwa.