Idadi ya vifo Myanmar yaongezeka hadi 701

Idadi ya watu waliopoteza maisha katika mashambulizi ya vikosi vya usalama dhidi ya wapinzani wa mapinduzi iliongezeka hadi 701  nchini Myanmar.

Katika ripoti iliyochapishwa na Shirika la Usaidizi wa Kisiasa la Arrestees, ilibainika kuwa kuna majeruhi wapya katika maeneo ambayo vikosi vya usalama viliingilia maandaano na kukabiliana na raia.

Katika ripoti hiyo, idadi ya vifo ilisasishwa kuwa 701, na kubainishwa kwamba watu 3,012 walizuiliwa.

Vile vile, iliripotiwa kutolewa kwa agizo la kuwakamatwa na kuwekwa kizuizini kwa watu 656 ambao wanapinga mapinduzi hayo.

Watu 82 walipoteza maisha katika makabiliano ya silaha ya jeshi la Myanmar dhidi ya waandamanaji katika mji wa Bago hapo jana.

Jeshi la Myanmar lilinyakua madaraka mnamo Februari 1, baada ya madai ya udanganyifu katika uchaguzi wa Novemba 8, 2020 na kuongezeka kwa mvutano wa kisiasa nchini humo.

Jeshi liliwashikilia maafisa wengi na viongozi wa chama tawala, pamoja na Waziri wa Mambo ya Nje Aung San Suu Kyii, na kutangaza hali ya hatari kwa mwaka mmoja.

Wakati maandamano makubwa yakiendelea nchini, maafisa wa ngazi za juu serikalini wakiwa kizuizini wanaendelea kusikilizwa katika mahakama ya jeshi.