Maandamano ya kupinga kushikiliwa kwa maafisa wa serikali waliochaguliwa kufuatia mapinduzi ya kijeshi nchini Myanmar yanaendelea katika maeneo mbalimbali ya nchi kwa siku ya tatu.
Katika video zilizochapishwa kwenye mitandao ya kijamii na tovuti ya habari ya Myanmar Now, maelfu ya watu walionekana wakiandamana na kutoa kaulimbiu za kupinga mapinduzi katika mji mkuu wa Nepido, Yangon na Pathein.
Waandamanaji hao waliojumuisha wakuu wa makuhani wa Kibudha, wafanyikazi na wanafunzi, walipinga mapinduzi hayo kwa kubeba bendera nyekundu zinazowakilisha Chama cha Kidemokrasia cha Kitaifa (NLD), kinachoongozwa na aliyekuwa Waziri wa Mambo ya Nje na kiongozi halali wa nchi hiyo Aung San Suu Chii aliyewekwa kizuizini.
Waandamanaji wa Yangon walipiga kelele za kaulimbiu ya "Waachieni viongozi wetu", "Haki kwa Myanmar" na "Hakuna mapinduzi."
Ilibainika kuwa waandaaji wa maandamano hayo waliwasiliana kwa njia ya mitandao ya kijamii ya Facebook na Twitter licha ya matumizi yake kupigwa marufuku kote nchini.
Jeshi la Myanmar lilipindua serikali mnamo Februari 1, na kutangaza hali ya hatari kwa mwaka mmoja, kufuatia madai ya udanganyifu katika uchaguzi wa Novemba 8, 2020.
Rais Win Myint, Waziri wa Mambo ya Nje na kiongozi halali Aung San Suu Chii, pamoja na viongozi wengine wa chama tawala cha NLD walikamatwa.
Mkuu wa Wafanyikazi wa Umma, Min Aung Hlaing, ambaye alichukua madaraka ya nchi hiyo, aliahidi kurudi kwenye uchaguzi wa kidemokrasia baada ya kumalizika kwa hali ya hatari, na kiongozi wa NLD Suu Chii alitoa wito kwa umma kufanya maandamano ya kupinga mapinduzi hayo.
No comments:
Post a Comment