Njama ya kumuua rais na jaribio la mapinduzi Haiti

 

Watu 20 akiwemo jaji wa Mahakama Kuu na Mkuu wa Polisi, wameripotiwa kukamatwa nchini Haiti kwa madai ya kupanga njama ya kutaka kumuua Rais Jovenel Moise na kuipindua serikali.

Rais Moise alizungumza na waandishi wa habari katika Uwanja wa Ndege wa Port-au-Prince kabla ya kuhamia mji wa Jamcel, akisema kwamba "kuna jaribio la kutishia maisha yake" na kwamba "njama imepangwa tangu Novemba 2020".

Akibaini kuwa watu 20 walizuiliwa kuhusu tukio hilo, Moise alikataa kutoa taarifa zaidi.

Chama cha Mawakili cha Port-au-Prince Young Lawyers kiliripoti kwamba Jaji wa Mahakama Kuu Irvikel Dabresil na Mkuu wa Polisi Antoinette Gauthier walikuwa miongoni mwa wale waliowekwa kizuizini. Shirika lililaumu serikali ya Moise kwa kujaribu kukandamiza upinzani kwa kupanda kutumia vitisho.

Wakili Reynold Georges pia alizungumza kwa niaba ya upinzani kuhusu kuzuiliwa kwa jaji Dabresil na kusema,

"Tunataka aachiliwe mara moja. Mahakama inapaswa kususiwa hadi atakapotolewa."

Katika nchi ya Haiti, Rais Moise alishikilia madaraka kwa muda wa mwaka mmoja kutokana na utata wa uchaguzi wa urais mnamo 2016, na aliweza kuchukuwa rasmi wadhifa wake wa urais mnamo Februari 2017. Kwa sababu hii, Moise anadai kuwa muhula wake wa urais wa miaka 5 utamalizika Februari 2022, wakati vyama vya upinzani vinasema kwamba anapaswa kuacha wadhifa huo mwezi huu.

Maandamano yamekuwa yakifanyika nchini humo tangu Oktoba 2020, na kumtaka Moise aondoke madarakani.