Mkutano wa kwanza wa baraza jipya la mawaziri wafanyika baada ya mapinduzi ya kijeshi Myanmar

Mkutano wa kwanza wa baraza jipya la mawaziri ulifanyika baada ya mapinduzi ya kijeshi ya Februari 1, kufuatia mijadala kuhusu udanganyifu katika uchaguzi mkuu uliofanyika tarehe 8 Novemba 2020 nchini Myanmar.

Katika taarifa iliyotolewa na idara ya mawasiliano ya jeshi la Myanmar, iliripotiwa kuwa mkutano wa baraza la mawaziri ulifanyika Ikulu ya Rais kwa ushiriki wa Mkuu wa Wafanyikazi wa Umma na Rais Min Aung Hlaing, Naibu Mwenyekiti Myint Swe na wajumbe 9 wa baraza la mawaziri waliochukua nafasi za mawaziri waliofutwa kazi jana.

Ilibainika katika mkutano huo kwamba Rais Hlaing alijadili mpango wa utekelezaji majukumu ya mawaziri katika kipindi cha hali ya dharura ambayo itadumu kwa mwaka mmoja.

Iliripotiwa kuwa maswala kama vile kuendelea kwa safari za ndani na utalii, kufungua tena mahekalu na sehemu za ibada, kuendelea na shughuli za sekta ya uchumi kulingana na hatua za Covid-19, kuufufua uchumi na kuongeza fursa za kazi pia kulijadiliwa katika mkutano wa baraza la mawaziri.

Utawala wa Chama cha Kitaifa cha Kidemokrasia (NLD), chama cha Waziri wa zamani wa Mambo ya nje na kiongozi halali wa nchi hiyo, Aung San Suu Chi, ambaye alikuwa kizuizini kabla ya mapinduzi, alitangaza kwamba Suu Chi alikuwa "mzima wa afya" katika sehemu aliyowekwa.

Taarifa ya chama hicho pia ilielezwa kuwa mamlaka haikujulishwa kuhusu sehemu yenyewe aliyowekwa Suu Çii.

Baada ya mapinduzi ya kijeshi kutokea mnamo Februari 1, mawaziri 24 na manaibu wao walifutwa kazi hapo jana na mawaziri 11 wapya wakateuliwa.