Jordan yatangaza kuanzisha tena shughuli ya ukarabati wa Masjid al-Aqsa Jerusalem ya Mashariki

Jordan imetangaza kuanzisha tena shughuli ya ukarabati na ujenzi wa Masjid al-Aqsa katika Jerusalem ya Mashariki iliyokuwa chini ya uvamizi baada ya vizuizi vya Israel.

Waziri wa Mambo ya Nje Eymen es-Safedi, alitoa taarifa kwenye televisheni ya serikali baada ya mkutano wake na Tume ya Palestina katika Bunge, na kufahamisha kwamba Jordan inashirikiana mara kwa mara na mamlaka ya Palestina.

Akisisitiza ushirikiano wa nchi yake kwa sababu ya Wapalestina, Safedi alisema kuwa matokeo ya mipango ya kidiplomasia yamepelekea Jordan kuanzisha tena upya shughuli za ukarabati na ujenzi leo hii katika Masjid al-Aqsa.

Mnamo Januari 24, vikosi vya Israel vilivamia Msikiti wa Kubbetu wa Sahara, ambao uko ndani ya mipaka ya Msikiti wa Al-Aqsa, na kuzuia shughuli ya ukarabati wa marumaru na nguzo za ndani kwenye eneo la ibada huku wakitishia kuwakamata wafanyikazi waliokuwa wakishughulika.