Ditopile akabidhi milioni tano kusaidia ujenzi wa nyumba za makatibu wa UVCCM Dodoma

Katibu wa Itikadi na Uenezi wa Chama cha Mapinduzi (CCM), Humphrey Polepole amekutana na wanachama wa chama hicho ambao ni wanafunzi wa Vyuo Vikuu jijini Dodoma ambapo amewataka kuwa wazalendo na kueneza sifa zilizofanywa na Rais Dk John Magufuli ndani ya kipindi kifupi na kuifanya Tanzania ifikie uchumi wa kati.

Katika mkutano huo Polepole amekabidhiwa kiasi cha Sh Milioni 5.5 na Mbunge wa Viti Maalum Vijana, Mariam Ditopile kwa ajili ya kusaidia ujenzi wa nyumba za Makatibu wa UVCCM Wilaya zote Saba za Dodoma, pamoja na ujenzi wa Ofisi ya Jumuiya ya Wanafunzi wa Vyuo Vikuu Tanzania (Tahliso).