Waajiri chanzo cha migogoro ya wafanyakazi - Dkt. Mary Mwanjelwa

Naibu Waziri wa Nchi, Ofisi ya Rais, Manejimenti ya Utumishi, Umma na Utawala Bora, Dk. Mary Mwanjelwa amesema waajiri wengi nchini wamekuwa hawatimizi majukumu yao ipasavyo hali inayosababisha uwepo wa migogoro sehemu zao za kazi.

Dkt. Mwanjelwa ameyasema hayo wakati akizungumza na baadhi ya watumishi wa umma  katika kikao kazi kilichofanyika kwenye ukumbi wa Shule ya Msingi Bariadi Allience Mjini Bariadi.

"Sisi viongozi tuliopewa mamlaka husika ya kusimamia sekta ya utumishi wa umma ni lazima tusimamie sheria na taratibu zinazotakiwa hivyo basi serikali ya awamu ya tano kamwe haitaweza kulifumbia macho suala la waajiri hao kuwaonea na kuwanyanyasa waajiriwa wao,” amesema Dk Mwanjelwa.

Amesema kuwa waajiri wengi wamekuwa wakijiona wao kuwa ni Mungu watu hivyo hata utendaji wao wa kazi umekuwa haufuati taratibu na kanuni za utumishi wa umma na kwamba mara nyingi wamekuwa wakifanya kazi  kwa mazoea na kusababisha uminyaji wa uhuru na haki za watumishi wa umma.