Yanga yadai kuhujumiwa Zambia Wakatiwa Umeme kwa Masaa Manne

Kambi ya timu ya Yanga nchini Zambia imeingia dosari baada ya sehemu waliyofikia umeme kukatika na kupelekea kufanya mazoezi katika eneo la kiza.



Makamu mwenyekiti wa kamati ya Mashindano wa klabu hiyo Saad Kimji amesema kwamba hata kwenye hoteli ambayo wamefikia umeme ulikatika baada ya wao kutua tu sehemu hiyo.



Kimji ameyasema hayo kupitia kipindi cha Duru za Michezo 98.1 Wapo Radio kilichongozwa na Saidally Mwandike ambapo amesema kufuatia swala hilo zahiri kuna dalili za hujuma ambazo zinafanywa na wapinzani wao kuelekea kwenye mchezo wa marudiano klabu bingwa barani Afrika.

Huku akisistiza kuwa wapinzani wao Zesco ni timu ya Shirika la umeme nchini Zambia hivyo huenda ikawa mbinu moja wapo ya kuwavuruga kuelekea kwenye mtanange huo wa siku ya Jumamosi.

Aidha amesema kwamba kwa upande wao kama viongozi wamejipanga kikamilifu kukabiliana na changamoto hizo, huku wachezaji wakiendela kuwa na hamasa ya kutosha kuelekea kwenye mchezo huo.

Yanga SC na Zesco United zinataraji kumenya siku ya jumamosi, ikiwa ni mchezo wa marudiano wa michuano ya klabu bingwa Afrika huku wanajangwani hao wakiwa na kumbukumbu ya kutoka sare ya bao 1 – 1 kwenye mechi ya awali iliyopigwa katika dimba la Mkapa jijini Dar Es Salaam.