Tetesi: Leicester City yatenga Tsh. Bilioni 40 kumnasa Mbwana Samatta

Klabu ya Leicester City imetuma ofa inayokadiriwa kufikia Bilion 40 za Kitanzania kwa ajili ya mfungaji bora wa klabu ya KRC Genk, Mbwana Samatta.

Vyanzo mbalimbali kutoka England vimeripoti kuwa vigogo wanapigana vikumbo kupata saini ya mshambuliaji huyo wa Kitanzania. Mapema wiki hii klabu ya Cardiff ilipeleka dau la Tsh. Bilion 36 likatupiliwa mbali na Genk.

Klabu za Birmingham na Aston Villa pia zimepeleka ofa ya Tsh. Bilion 40 lakini vilabu hivi vimekutana na kizingiti kingine lakini maofisa wa Leicester wamejitosa katika dili hili.