Neymar ashutumiwa kwa ubakaji

Mwanamke mmoja amemshutumu Neymar kwa kumbaka wakati mchezaji soka huyo maarufu wa Brazil akiwa amelewa katika hoteli moja mjini Paris, Ufaransa.

Hayo ni kulingana na ripoti ya Kituo cha Polisi cha Sao Paulo iliyoonekana na shirika la habari la Reuters.

Shutuma hizo ni za hivi karibuni dhidi ya mwanasoka huyo wa Brazil, ambaye mwezi uliopita alivuliwa unahodha wa timu ya taifa kufuatia matukio ya utovu wa nidhamu, hatua iliyomchafulia sifa.

Kulingana na ripoti ya polisi, mwanamke ambaye hakutajwa jina aliwaambia wachunguzi wa Sao Paulo kwamba alikutana na Neymar kwenye mtandao wa kijamii wa Instagram na mwanasoka huyo alipendekeza wakutane mjini Paris, ambako anachezea timu ya Paris St Germain.

Msaidizi wa Neymar alimtumia tiketi za ndege mnamo Mei 15. Wawakilishi wa Neymar bado hawajatoa tamko lolote.