Mratibu wa Mkutano wa Trump na Kim auawa kwa kupigwa risasi

Mjumbe maalumu wa mazungumzo kati ya Korea Kaskazini na Marekani, Kim Hyok Chol ameuawa kwa kupigwa risasi baada ya kushindwa kwa mkutano wa pili wa kiongozi wa Korea Kaskazini, Kim Jong Un na Rais Donald Trump.

Kwa mujibu wa Gazeti la Chosun Ilbo limeandika Chol aliyeuratibu mkutano huo wa Hanoi na kumsindikiza Kim kwenye treni yake binafsi ameuawa kwa kupigwa risasi kwa kile kinachotajwa kumsaliti kiongozi huyo wa juu baada ya kufanikiwa kuishawishi Marekani wakati wa majadiliano ya kabla ya mkutano huo wa mwisho.

Gazeti hilo lililonukuu chanzo ambacho hakikutajwa limesema Chol, aliuawa Machi katika Uwanja wa Ndege wa Mirim pamoja na maafisa wanne waandamizi wa Wizara ya Mambo ya Nje baada ya uchunguzi. Mkalimani wa Kim kwenye Umoja wa Mataifa naye ametiwa kizuizini baada ya kufanya makosa kwenye mkutano huo.