Wafungwa 15 wafariki kwenye vurugu zilizotokea gerezani

Kwa mujibu wa Sekretarieti ya Magereza, Wafungwa hao wamefariki jana Mei 26 katika gereza moja lililopo kwenye jimbo la Amazonas baada ya vurugu kuzuka.

Mkuu wa Sekretarieti hiyo, Kanali Marcos Vinicius Almeifa amesema, Wafungwa hao walifariki ama kwa kukosa hewa au kuchomwa na vitu vya ncha kali ikiwemo miswaki.

Ameeleza kuwa vurugu zilianza muda wa raia kutembelea Wafungwa, hakukuwa na raia waliotekwa nyara na vurugu hizo zilikuwa baina ya Wafungwa wenyewe.

Ameongezea kuwa bado sababu ya vurugu hizo haijafahamika ila Serikali inafanya uchunguzi kubaini chanzo hicho.

Aidha, mwaka 2017 katika gereza hilo hilo kulitokea vurugu zilizodumu kwa saa 20 ambapo Wafungwa walikuwa wakitaka kufanya mapinduzi na kupelekea watu 56 kufariki.

http://bit.ly/2K7b6Su