Kijana mbaroni kwa kumpiga mpenzi wa mama yake

Kijana David Omondi(20) anadaiwa kumpiga na kumsababishia majeraha mwanaume anayesemekana kuwa ni mpenzi wa mama yake huko Sinapanga katika Kaunti ya Bondo nchini Kenya.

Mwenyekiti wa Polisi jamii wa Kaunti hiyo, Juma Abuko amesema mtuhumiwa alimfuata mwanaume huyo anayedaiwa kuwa kwenye uhusiano na mama yake na kumtaka amueleze kwanini ameingia kwenye mahusiano na mamake huku akijua kuwa ameolewa.

Kabla hajapewa majibu ya maswali yake, David alianza kumshambulia kwa kipigo mwanaume huyo na ndipo watu walipoenda kuamua ugomvi na kumpeleka majeruhi hospitali huku David akipelekwa kutuo cha Polisi anaposhikiliwa hadi sasa.

http://bit.ly/2JFNnJV