Kinyang'anyiro cha kumrithi Theresa May kuanza leo

Wagombea wanaowania kumrithi Theresa May kama waziri mkuu wa Uingereza wanajiandaa kuanza kampeni zao hii leo, na kuacha mchakato wa kujiondoa Umoja wa Ulaya-Brexit ukiwa mashakani.

May alitangaza kujiuzulu wadhifa wake jana Ijumaa na kusababisha kuanza kwa kinyang'anyiro cha kumsaka mrithi wake ndani ya kipindi cha miezi miwili. May atajiuzulu kama kiongozi wa chama cha Conservative mnamo Juni 7 lakini atasalia kama waziri mkuu hadi pale chama kitakapomchagua mrithi wake kufikia Juni 20.

Tarehe ya Uingereza kuondoka Umoja wa Ulaya imepangwa Oktoba 31 ingawa kiongozi yeyote mpya anaweza kuomba mchakato kucheleweshwa.

Waziri wa zamani wa mambo ya nje Boris Johnson ni miongoni mwa waliotangaza nia sambamba na waziri wa zamani wa Brexit Dominic Raab. Kiongozi wa upinzani Jeremy Corbyn amesema yeyote yule atakayechaguliwa atapaswa kuitisha haraka uchaguzi mkuu.

http://bit.ly/2wkzQi1