Dereva aliyemgonga Twiga Mikumi kupigwa faini Milioni 34

Dereva ambaye jina lake halijajulikana anayedaiwa kumgonga na kumuua mnyama Twiga katika mbuga ya wanyama ya Mikumi, Mkoani Morogoro amekimbia baada ya kufanya tukio hilo.

Anasteria Ndaga, Afisa Uhifadhi Wanyama Pori Kanda Ya Mashariki amesema mnyama huyo aligongwa jana saa tano asubuhi, ambapo wanalishikilia gari hilo pamoja na msaidizi wa dereva wa gari hilo na amefikishwa katika kituo cha polisi.

‘’Dereva wa gari hilo amekimbia na hajapatikana hadi leo, tunawasiliana na mmiliki wa gari ili taratibu zingine zitafuata za kisheria’’ amesema.

Ameendelea kwa kusema, "Sheria za Uhifadhi za Taifa, zinasema mnyama kama Twiga anapogongwa faini ni U$ Dollar elfu 15, sawa na Mill. 34 za Kitanzania, pia zipo gharama zingine za uharibifu wa mazingira, hatujampima kama alikuwa mjamzito’’.

http://bit.ly/2QmtUyp