Mtoto mmoja afariki nchini India kutokana na virusi vya Nipah vinavyoambukizwa na popo

Mtoto mmoja nchini India ameripotiwa kufariki kutokana na virusi vya Nipah vinavyoambukizwa na popo.

Kulingana na taarifa za The Sun, mvulana mmoja wa miaka 12 alikufa katika mji wa Kerala baada ya kupata virusi vya Nipah vinavyoambukizwa na popo.

Polisi walizingira eneo karibu na nyumba ya kijana huyo, na hali ya tahadhari iliwekwa katika maeneo ya Malappuram na Kannur.

Watu 188 ambao walikuwa wakiwasiliana na mtoto aliyekufa walitambuliwa, 20 kati ya watu hawa waliainishwa kama wenye "hatari kubwa".

Waziri wa Afya wa Kerala Veena George alisema maambukizi hayo yalithibitishwa Jumamosi na Taasisi ya Kitaifa ya Virolojia (NIV).

Nipah inachukuliwa kuwa moja ya virusi hatari zaidi ulimwenguni, kwa kuwa ni hatari zaidi ya mara 75 kuliko virusi vya corona (Kovid-19).

Wataalam hapo awali walionya kwamba virusi, ambavyo vinaonyesha dalili kama vile uvimbe mkali wa ubongo, kutapika na mshtuko, vinaweza kusababisha ugonjwa hatari.