Mtanzania ang'ara tuzo za wanasayansi Kimataifa

Katibu Mkuu wa  Wizara ya Elimu, Sayansi na Teknolojia, Dkt. Leornad Akwilapo,  leo tarehe 20 Septemba 2021  amepokea tuzo ya Mwanasayansi Bora iliyotolewa kwa mwanasayansi mtanzania Bwana Salum Faki Hamadi kutoka Taasisi ya Utafiti wa Kilimo, Zanzibar .

Tuzo hiyo imetolewa na Shirika la  Kimataifa la Nguvu ya Atomiki (IAEA) na kukabidhiwa Bw. Rafael Mariano Grossi, Mkurugenzi Mkuu wa Shirika hilo katika Mkutano wa  masuala ya Atomiki Duniani.unaofanyika  jijini  Viena, Austria.

Ushindi huo umetokana na   utafiti  alioufanya juu ya mbegu ya mpunga inayoweza kuhimili zaidi ukame na magonjwa.