Utekelezaji wa hati ya afya kwa ajili Kovid-19 Ufaransa

 

Huko Ufaransa, ndani ya wigo wa mapambano dhidi ya aina mpya ya virusi vya corona (Kovid-19), ombi la hati ya afya ya Kovid-19, ambayo ni lazima kwa maeneo ya sherehe na kumbi za halfa lilianza kutekelezwa.

Maombi ya hati ya afya ndani ya wigo wa sheria juu ya kupambana na Kovid-19, iliyoidhinishwa na Baraza la Katiba mnamo Agosti 5, hutumiwa kwa kusafiri kati ya mikoa, mlango wa maeneo yaliyofungwa na sehemu za kupokea zaidi ya watu 50, ispokuwa hospitali, nyumba za uuguzi, vituo vya ununuzi, mikahawa, kumbi za sinema, majumba ya kumbukumbu na bustani za mapumziko. Kuna uhitaji wa kuandikishwa kwa chanjo ya Kovid-19, kuonyesha matokeo ya vipimo vya PCR katika masaa 72 yaliyopita, au kudhibitisha kuwa mgonjwa ameuguwa na kupona katika miezi 6 ya mwisho.

Hati hizo huondoa ulazima wa kutumia barakoa katika maeneo haya, isipokuwa kwa safari.

Msemaji wa serikali Gabriel Attal alitangaza kuwa kutakuwa na msamaha wa sheria katika wiki ya kwanza ya utekelezaji.

Mbali na ombi la hati ya afya, sheria yenye utata ya Kovid-19, ambayo imefanya chanjo ya Kovid-19 kuwa lazima kwa vikundi kadhaa vya kikazi tangu Septemba, imeelezewa kama "udikteta wa afya", na kulingana na data rasmi kote Ufaransa, mamia ya maelfu ya watu wameandamana Jumamosi kwa wiki 3 zilizopita.