Waziri Mkuu wa Canada ajumuika na Waislamu kusherehekea sikukuu ya Eid al-Adha

Waziri Mkuu wa Canada Justin Trudeau alisherehekea Eid al-Adha na Waislamu katika Msikiti wa Mountain Mosque ambapo alienda kwa ajili ya sherehe ya sikukuu.

Waziri Mkuu Trudeau, ambaye alikwenda kwenye Msikiti wa Mountain Mosque, moja ya misikiti mikubwa zaidi katika mkoa wa Ontario, alikaribishwa kwa kupigiwa makofi na washiriki.

Trudeau, ambaye alianza hotuba yake kwa kusema "Assalamu aleykum", kisha akawapongeza Waislamu kwa kusema "Eid Mubarak".

Akitoa hotuba fupi wa sherehe ya sikukuu, Trudeau alilaani chuki na mashambulizi ya kibaguzi yanayokabiliwa na jamii ya Waislamu nchini na kusema, "Haya ni mashambulizi yasiyokubalika na ya kutisha."

Trudeau alisema kuwa hakuamini kwamba mashambulizi kama hayo yalitokea Canada.

"Watu wanapaswa kuishi kwa uhuru na imani zao, kusali katika misikiti yao au kutembea salama barabarani," aliongezea kusema.

Baada ya hotuba yake, Justin Trudeau alisalimiana na Waislamu kwa kupeana mikono msikitini na kupiga picha.