Vikundi vya itikadi kali vyashambulia polisi Ujerumani

Polisi walitumia nguvu kuingia ndani ya jengo ambalo lilikuwa limevamiwa na vikundi vya watu wenye itikadi kali wa upande wa kushoto huko Berlin, mji mkuu wa Ujerumani, na ambapo timu ya wazima moto haikuruhusiwa.

Vikundi vya watu wenye itikadi kali wa upande wa kushoto vilitaka kuzuia ukaguzi wa timu ya wazima moto kwenye jengo la Mtaa wa 94 wa Rigaer katika wilaya ya Friedrichshain, ambayo walikuwa wakidhibiti kwa muda mrefu.

Wakati polisi waliondoa vizuizi vilivyowekwa na vikundi hivyo kwenye mlango wa jengo kwa kutumia mnyororo, vikundi viliwashambulia polisi walioondosha vizuizi kwa kutumia vifaa vya kuzima moto.

Baada ya shambulizi hilo, polisi waliingia ndani ya jengo kwa kutumia nguvu.

Katika taarifa iliyotolewa na polisi wa Berlin, ilielezwa kuwa bado kuna vizuizi vingi vilivyowekwa ndani ya jengo hilo.

Ilibainika kuwa afisa ambaye alitakiwa kufanya ukaguzi kwenye jengo hilo hakutaka kuingia ndani ya jengo kwa sababu ya tukio hilo.