Tume ya uchaguzi yaahirisha uchaguzi katika baadhi ya majimbo ya Ethiopia

Uchaguzi mkuu nchini Ethiopia uliopangwa kufanyika Juni 21, uliahirishwa hadi Septemba kwa sababu za usalama na kura katika maeneo bunge 54 ya majimbo tofauti hazikuweza kuchapishwa.

Kulingana na taarifa za Addis Standard, Mwenyekiti wa Tume ya Kitaifa ya Uchaguzi Birtukan Mideksa alisema kuwa upigaji kura utafanyika Septemba katika maeneo bunge 54 ya majimbo 7 tofauti.

Mideksa alisema kuwa ucheleweshaji huo ulisababishwa na usalama, kutoweza kuchapisha karatasi za kura na usumbufu katika shughuli za uchaguzi.

Katika jimbo la Tigray, ambapo operesheni dhidi ya waasi inaendelea, bado haijulikani ni lini uchaguzi utaweza kufanyika.

Baraza la Wawakilishi la Watu wa Ethiopia lina jumla ya viti 547.

Kuahirishwa kwa uchaguzi huo, ambao ulibadilishwa tarehe kutoka Agosti 2020 hadi Juni 2021 kwa sababu ya janga la corona (Covid-19), ulisababisha athari kutoka kwa wapinzani.

Vyama viwili vya upinzani katika jimbo lenye watu wengi wa Oromiya vilitangaza kwamba havitashiriki uchaguzi huo kutokana na kuwekwa kizuizini kwa viongozi wao na shinikizo dhidi ya wapinzani.

Ethiopia, yenye idadi ya watu takriban milioni 110, ina majimbo 10 na serikali 2 maalum za miji mikubwa kama Addis Ababa na Dire Dawa.