Marekani yatoa tahadhari ya usafiri kwa raia wake

Marekani (USA) imesema kwamba itatangaza ilani ya 4 ya 'tahadhari ya kuzuia kusafiri' kwa sababu ya mlipuko wa janga la corona (Covid-19) kwa asilimia 80 ya nchi ulimwenguni.

Katika taarifa iliyoandikwa kutoka Wizara ya Mambo ya Nje ya Marekani, ilisisitizwa kuwa mlipuko wa janga la Covid-19 unaleta "hatari ambazo hazijawahi kutokea" kwa wasafiri, na kusema,

"Kwa kuzingatia hatari hizi, wizara inapendekeza raia wa Marekani waangazie tena safari zao za nje ya nchi."

Katika taarifa hiyo iliyoonyesha kwamba Wizara hiyo itasasisha tahadhari za kusafiri kwenda nchi hizo kuanzia wiki hii, pia iliandikwa,

"Kama matokeo ya usasisho, onyo la ilani ya 4: Vizuizi vya usafiri vitatolewa kwa nchi nyingi ambazo zinalingana na asilimia 80 ya nchi za ulimwengu."

Hivi sasa, nchi 34 kama vile Chad, Kosovo, Kenya, Brazil, Argentina na Haiti ni miongoni mwa nchi ambazo Marekani imetoa onyo la kusafiri la kiwango cha 4.

Marekani pia ilipiga marufuku kuingia kwa raia wasio Wamarekani kutoka nchi za Schengen, Uingereza, China, Brazil, Iran na Afrika Kusini.