Ukraine yaomba vikazwo vipya dhidi ya Urusi

Ukraine imetangaza kwamba itatafuta vikwazo vipya dhidi ya Urusi vya ukiukaji wa haki za kibinadamu katika eneo la Crimea kutoka Umoja wa Ulaya (EU).

Katika mkutano na waandishi wa habari uliofanyika mtandaoni, Waziri wa Mambo ya Nje wa Ukraine Dmitro Kuleba alisema kwamba watawasilisha suala la kuwekwa kizuizini kwa Watatari 6 wa Kituruki wa Crimea na vikosi vya usalama vya Urusi kwenye Mkutano Mkuu wa Umoja wa Mataifa utakaofanyika tarehe 23 Februari.

Akikumbusha kwamba walidai vikwazo dhidi ya Urusi kutokana na ukiukaji wa haki za kibinadamu huko Crimea kutoka kwa EU mwaka jana, Kuleba alisema kuwa wataendelea kuweka msisitizo juu ya suala hili.

Kuleba pia alifahamisha kwamba watasaini nyaraka husika ndani ya muda mfupi kwa ajili ya vikwazo vipya dhidi ya Urusi kutokana na ukiukaji wa haki za kibinadamu huko Crimea, na kusema,

"Tutasasisha ombi hili kwa EU."

Katika eneo la Crimea ambalo lilijumuishwa na Urusi kama nyongeza kinyume cha sheria tangu Februari 17, vikosi vya usalama vya Urusi vilivamia nyumba ya kikundi cha Watatari wa Kituruki wa Crimea na kukamata watu 6.