Putin asema Urusi inataka mahusiano bora na Ulaya

Rais wa Urusi Vladimir Putin ametoa wito wa kuwepo mahusiano imara kati ya nchi yake na Umoja wa Ulaya akisema Ikulu ya Kremlin iko tayari kwa ushirikiano thabiti. 

Akuhutubia kongamano la uchumi duniani linaloendelea mjini Davos, Uswisi, Putin amesema Urusi na Ulaya zina historia inayofanana na zinapaswa kurejea enzi ya kuwa na ajenda ya pamoja. 

Ingawa hakufafanua ni kwa jinsi gani Urusi na Ulaya zinaweza kuimarisha ushirikiano, Putin amesema pande hizo mbili zinaweza kupata mafanikio iwapo zitamaliza tofauti zilizopo na kufanya kazi pamoja bila kulaumiana.

Wito wa kiongozi huyo unakuja wakati mamia kwa maelfu ya warusi waliandamana Jumamosi iliyopita kumunga mkono kiongozi wa upinzani Alexei Navalny ambaye kuwekwa kwake kizuizini kumezusha lawama na ukosoaji mkubwa kutoka mataifa ya magharibi.