Rais wa Iran: Serikali ya Joe Biden, lazima ifanye marekebisho ya makosa ya zamani

Rais wa Iran Hassan Rouhani amesema kuwa serikali ya Democrat ya Joe Biden, ambaye ameshinda uchaguzi huko Marekani, lazima ifanye marekebisho ya makosa ya zamani.

Akiongea katika mkutano wa Kituo cha Uratibu wa Kiuchumi uliofanyika katika mji mkuu Tehran, Rouhani alitoa taarifa kuhusu uchaguzi nchini Marekani.

Akisisitiza kwamba Iran inazingatia makubaliano ya kimataifa na inachukua uhusiano mzuri na ulimwengu kama mkakati wa kimsingi, Rouhani ameiambia serikali mpya ya Biden,

"Serikali mpya ya Marekani lazima itumie fursa ambayo imejitokeza kurekebisha makosa ya zamani. Marekani inapaswa kurudi kufuata makubaliano ya kimataifa."

Kuhusu vikwazo vilivyowekwa chini ya Donald Trump, Rouhani alisema,

"Iran imepinga vita vya kiuchumi vya Marekani na kuionyesha Marekani kuwa haiwezi kushinda."