Wazir Haroun amesema lengo la Serikal kila mwanafunzi kusoma katika mazingira mazuri

Mwenyekiti wa Kamati ya Rais ya kutafuta madawati ya Skuli za Serikali Zanzibar,  Mhe Haroun Ali Suleiman amesema ni lengo la Serikali kuhakikisha kila Mwanafunzi  anasoma katika mazingira mazuri na yenye kuridhisha.

Akizungumza katika hafla ya kukabidhiana madawati huko katika Skuli ya Dkt Salmin Amour Juma, Chumbuni Mjini Unguja amesema ni fursa ya kila raia kupata haki yake ya Msingi ya Elimu ambapo Serikali imekuwa ikihakikisha inapatikana bure kuanzia Maandalizi, Msingi na Sekondari ya lazima katika mazingira mazuri.

Mhe Haroun  ambae pia ni Waziri wa Nchi Ofisi ya Rais Utumishi wa Umma na Utawala bora amesema Elimu bure lazima  iende sambamba  na  mazingira mazuri kwa watumishi wote hivyo amesema ana imani kuwa Walimu wataongeza bidii ya ufundishaji kutokana na kuwepo mazingira mazuri ya ufundishaji.

Aidha amewaomba wananchi kuunga mkono juhudi kubwa za Serikali ya Mapinduzi ya Zanzibar zinazofanywa katika nyanja mbalimbali hasa za kielimu kwa kuwahamasisha Vijana wao kusoma ili malengo ya Serikali ya kuwa na wataalamu wake hapa nchini yaweze kufikiwa.

Pia Mhe Haroun ameutaka uongozi wa Wizara ya Nchi, Ofisi ya Rais, Tawala za Mikoa, Serikali za Mitaa,  Idara Maalum na Vikosi vya SMZ, kuhakikisha wanayawekea alama maalum madawati yote na kuhakikisha hayatumiki kinyume na malengo yaliyokusudiwa ili yasipotee na yadumu kwa muda mrefu na kuwasaidia watoto  wao.

Kwa upande wake Makamo Mwenyewekiti wa Kamati hiyo na Waziri wa Elimu na Mafunzo ya Amali Zanzibar Mhe Riziki Pembe Juma amesema mashirikiano mazuri baina ya kamati ya madawati na Wizara ya Elimu ni miongoni mwa njia za mafanikio ya kupunguza tatizo la madawati nchini.

Aidha Mhe Riziki amewataka viongozi wa halmashauri kushirikiana na Walimu wa Skuli  za Msingi  ili kuhakikisha madawati hayo yanagawiwa kwa wakati ili wanafunzi ambao hawana vikalio waweze kufaidika na vikalio hivyo 

Kwa upande wake Naibu Katibu Mkuu Utawala na Uendeshaji Bwana Abdullah Mzee Abdullah amesema ni agizo la Mhe Rais wa Zanzibar na Mwenyekiti wa Baraza la Mapinduzi DK Ali Mohamed Shein la kutafuta madawati ili kuhakikisha tatizo hilo linapungua na kila Mwanafunzi anasoma katika mazingira mazuri na ya kuridhisha.

Jumla ya makontena 9 yenye  madawati   4495 kwa ajili ya Wanafunzi wa madarasa ya Msingi

 ya mekabidhiwa ikiwa ni ya awamu ya  tatu.