Miili ya watu 20 waliofariki kwenye kongamano la Mwamposa kuagwa leo

Miili ya watu 20 waliofariki kwenye kongamano la Mtume na Nabii Mwamposa, itaagwa leo Februari 3, 2020, kwenye viwanja vya Majengo mjini Moshi.

Kwa upande wake Mkuu wa Jeshi la Polisi nchini ,IGP Simon Sirro amewataka Watanzania kuwa  makini kwani kinyume na hapo itakuwa shida sana na kuongeza iko haja kamati za ulinzi na usalama za wilaya na mkoa kuanza kuyafuatilia makanisa yote nchini na hasa makanisa madogo madogo ambayo sasa yamekuwepo kila mahali.

"Sio kila padri, mchungaji basi anataka kuwachunga kondoo wake waende kuuona ufalme wa Mungu, wengine wanahangaika na utafutaji tu wa maisha.Sio kwamba nahukumu lakini kuna mambo ya kujifunza,"amesema
.