Papa Francis kuaanza ziara rasmi ya kihistoria Afrika leo

Papa Francis leo anaanza ziara rasmi ya kihistoria barani Afrika na anatarajia kuzitembelea nchi za Msumbiji, Madagascar na Mauritius.

Umaskini, uhifadhi wa mazingira na ufisadi ni miongoni mwa mambo yanatarajiwa kuzungumzwa kwenye ziara ya Papa katika mataifa ya Afrika.

Wahudumu katika kanisa Katoliki wamenukuliwa na baadhi ya vyombo vya habari wakisema kwamba ziara hii ambayo ni ya pili Papa Francis kuwahi kuifanya kusini mwa jangwa la Sahara Afrika, ni fursa muhimu kutoa wito mpya uliogubikwa katika barua yake ya mnamo 2015 inayuhusu kulinda mazingira.