Ofisa wa benki CRDB na wenzake watatu kotini kwa utakatishaji wa zaidi ya Sh milioni 100

OFISA wa benki ya CRDB tawi la Ubungo, Andrew Babu (27) na wenzake wafanyabiashara watatu, wamefikishwa katika Mahakama ya Hakimu Mkazi Kisutu, jijini Dar es Salaam wakikabiliwa tuhuma za Uhujumu Uchumi ikiwamo kula njama, kughushi Tembo kadi, wizi na kutakatisha zaidi ya Sh. Milioni 100.

Mbali na Babu, washtakiwa wengine ni, William Sige (52), Justina Boniphace (49) na Alli Tutupa (35) wote wanaishi jijini Dar es Salaam.

Washtakiwa hao walisomewa mashtaka yao mbele ya Hakimu Mkazi Augustina Mmbando.

Wakili wa Serikali Mwandamizi, Wankyo Simon aliwasomea mashtaka yao juzi mahakamani hapo.

Alidai kuwa, kati ya Oktoba 2018 na Aprili 19, mwaka huu washtakiwa wote kwa pamoja walikula njama kutenda kosa la wizi.