Wema Sepetu 'Tatizo la Uzazi Niliyokuwa Nalo Limeshatatuliwa'

MUIGIZAJI nyota ambaye anatokea katika kiwanda cha filamu cha Bongo movi, Tanzanian 'Sweetheart', Wema Sepetu, amesema bado anatamani kuwa na mtoto na hakuwahi kuacha kumtamani.

Amesema shida ya kutopata mtoto ilichangiwa kuwa na matatio katika mfumo wa uzazi kitu kilichopelekea kushindwa kubeba ujauzito.

Wema amesema kwa sasa tatizo hilo limeshatibiwa hivyo chochote kinaweza kuhapeni.

Mshindi huyo wa tuzo ya ulimbwende mwaka 2006, amesema kwa sasa amekuwa, hivyo ameacha kufanya mambo yatakayoichafua heshima yake,huku akidai yupo anapiga dili kwa kuwa balozi kwenye kampuni za ndani na nje ya nchi na anaimani michongo mingi itaendelea kumiminika.