Kocha wa Simba Ataka mabadiliko ya lazima

Kuelekea msimu wa soka wa 2019/20, Kocha Mkuu wa Simba Patrick Aussems, amesema wachezaji wake wanatakiwa kuwa na uwezo wa kucheza zaidi ya nafasi moja uwanjani.

Aussems ameyasema hayo kwenye kambi ya Simba waliyoweka huko Rustenburg Afrika Kusini, ambapo yupo na timu kwaajili ya maandalizi ya msimu huu.

“Kwasasa nataka kuona wachezaji wakicheza nafasi zaidi ya moja sababu huu msimu nataka kuwa na mifumo miwili au mitatu”- amesema Aussems.

Aussems alianza majaribio ya jambo hilo kwa wachezaji wake katika mchezo wa kirafiki dhidi ya Platinum Stars, ambapo wachezaji walicheza zaidi ya nafasi moja na Simba kushinda magoli 4-1.